Gumagalaw ang panga niya sa galit. Hindi niya napigilan ang sarili na bigyan ng isang solid na suntok sa mukha ang pangahas na hudyo na lumapit kay Maita. He's been there for about a while ago when Rondelle told him over the phone that Maita is here. Na-iinis siya nang malaman na nakuha pa nitong mag-club sa sitwasyong ganito. Lalo na at wala siya sa tabi nito para bantayan ito palagi. Naiinis siyang isipin na nakukuha pa nitong magsaya habang wala s'ya, samantalang siya, halos kainin na ng lungkot dahil hindi niya ito nakikita dahil abala siya sa paghahanap sa kung sino ang may kagagawan ng nangyari rito.
Lalo lang tuloy siyang nang-gigil sa pagmumukha ng lalaking humawak sa braso ng dalaga na para ba'ng pag-aari nito iyon. Bumagsak ang lalaki sa sahig nang suntukin nya ito sa mukha.
