CHAPTER 13
Nakita kong bumaba si Daddy sa sasakyan. Lumapit sa amin.
"Anong nangyari sa mata mo at diyan sa namumulang panga mo at bakit ka nahihirapang maglakad ha? Diyos ko naman anak, nakipagsuntukan ka na naman ba?"
Tumingin si Daddy kay Faye.
Nakikita ko sa mukha ni Daddy na si Faye ang kanyang pinagbibintangang nakasagupa ko.
“Anong ginawa mo sa anak ko?” malakas ang boses ni Daddy, "Sandali, di ba ikaw yung batang nakasuntukan din niya sa beach noon? Ikaw na naman ba ang may kagagawan nito sa anak ko
"Hindi ho. Naabutan ko siyang may kalaban dito sa labas. Wala ho akong kinalaman, sir"
Huminga ng malalim si Daddy.
Galit ang kaniyang mga matang nakatingin sa akin. Alam ko ang naglalaro sa kanyang utak. Ako na naman ang iniisip niyang nagpasimuno ng away. Ako na naman ang ma
