PUMASOK kami sa isang compound. Ito ‘yong medyo nakakaangat sa buhay na taga baranggay Patay Na Lupa. Medyo magagara mga bahay dito at medyo mas mahal ang upa ng ilang porsyento kumpara doon sa looban namin.
Pare-parehas lang ‘yong mga magkakaharap na bahay dito at isang kahabaan lang talaga ‘to. Meron pa ngang gate talaga pero wala naman nagbabantay na gwardya. Karamihan ng nakatira rito ay ‘yon mayroon magandang trabaho, kagaya nitong pulis na ‘to.
Nakahawak lang ako sa malalaking braso niya hanggang sa ihinto niya ‘to sa pinakadulong unit. Siguro mula rito, mga dalawang daan metro lang ang layo mula sa pinaka-gate.
“Dito ka pala nakatira.”
“Oo, sabi ko naman sa’yo taga rito lang din ako.”
“Hmm, pero hindi naman lahat ng taga rito at taga rito sa compound na ‘to.”
“Karamihan dito,
