KABANATA XXVII
LUMABAS na muna si Tito Barok para bumili ng kung anuman sa labas. Meron naman ng mga alak talaga rito na nakahanda na parang nakaplano na talaga itong magaganap na inuman na ito. Kung hindi kaya ako sumulpot rito? Possible kayang ayain ni Tito si tatay na makipaginuman sa kanila ngayon? Kumukuha lang ako ng tiyempo talaga para masabi ko kay bayaw, kaso hindi sa ganitong sitwasyon, baka kasi magkagulo pa ngayon at iniisip ko rin ‘yong sinabi sa akin ni tatay kanina na wala akong pwedeng pagsabihan talaga.
“ANO bang nangyayari sa’yo Bayaw? Bakit panay ang inom mo?”
“Ano pa bang gagawin ko Sid? Wala naman na.”
“Edi tulungan mo ‘yong asawa mo sa bahay na bantayan ‘yong pasugalan niya.”
“Hindi mo ba alam? Pinalayas na ako ng ate mo sa bahay na iyon kasi nga raw wala akong s
