"Sino kayo?" tanong ng hardinero sa mga estranghero sa garden ng ampunan. Naalimpungatan ito sa narinig na ingay sa labas. Nanlaki ang mga mata nito nang makita ang napakalaking nilalang na nasa pinakasentro ng grupong dumating."Halimaw!" sigaw nito sa tahimik na gabi. Agad itong tumakbo palayo sa mga nakitang halimaw.
"Habulin!" utos ni Devon sa mga tauhan. "Lamang tiyan din 'yon!" Tiningnan nito ang mga tiyanak na kasama. "At kayo, kuhanin ang mga bata maging ang nakatakda, hanapin ninyo!" sigaw nito.
"Masusunod!" Agad na tumalima ang mga tiyanak para pasukin ang bahay kung saan naroon ang mga bata.Agad na sumunod ang mga alagad nito. Tmakbo ang tatlong demonyito para habulin ang tumakas na hardinero.
"Devon!" sigaw ni Bal sa pangalan ng kapatid sa labas. Kasama nito si Hellion na mat
