Napatitig si Bal sa anak dahil naramdaman niya ang nag-aalab nitong kapangyarihan. Hindi niya tiyak kung ano iyon.
"Kung ayos na ang dokumento ng mga bata, maaari na ba namin silang kuhanin ngayon at iuwi na sa bahay?" tanong ni Amara.
"Maaari na, kung gusto nila," pagpayag ng Mother Superior.
"Mabuti naman ho." Ngumiti si Laura. "Isasama namin sila sa mall para mamili ng mga gamit nila sa magiging silid nila."
"Dadalawin namin ang mga bata tuwing linggo para tingnan ang kalagayan nila. Unti-inti rin namang dadalang ang aming pagbisita oras na matiyak na nasa maayos silang tahanan," paliwanag ng madre.
"Wala hong kaso iyon," tugon ni Amara dito. "Maaari kayong bumisita sa bahay anumang oras."
"Sister, Mother Superior, maaari ba naming ipasyal sa garden si Angeli?" paalam ni Bal sa m
