HANGGANG ngayon ay hindi pa din maalis-alis sa isipin ni Amarah ang mga salitang narinig na sagot ni Daxton kay Sir Ronald nang tanungin nito si Daxton kung bakit iyon ang ini-request nito na mga pagkain kung allergic naman ito sa seafood.
"Dahil paborito iyan ng mahal ko," naalala niyang sagot nito kay Sir Ronald.
Sa totoo lang ay hindi maiwasan ni Amarah na maguluhan sa sinabi ni Daxton. Ang alam niya ay siya ang may paborito ng mga seafood, hindi si Naia. Pero bakit sinabi nito kay Sir Ronald na paborito iyon ng mahal nito. Eh, siya lang naman ang may paborito niyon.
Sino ang mahal nito? Siya? Pero kalokohan iyon. Hindi naman siya ang mahal ni Daxton, eh. Si Naia.
Ipinilig na lang naman ni Amarah ang ulo ng makaramdam na naman ang puso niya ng bahagyang kirot.
Pilit nga din ni
