Pagkatapos mangyari ang digmaang iyon ay pinilit na ng lahat na ibalik sa ayos ang lahat ng mga napinsala at nawasak dahil sa digmaan, kasabay din ng pagtatapos ng digmaang iyon ay ang pagkawala ng dalawang nilalang na mahalaga sa'kin, ayaw ko mang isipin pero mukhang sa aming dalawa ni Furcifer ay ako pa ang talo, namatay nga sya ngunit wala naman syang naiwan dito kaya hindi sya magdudusa, samantalang ako na nabubuhay pa ay grabe ang dadanasin kong pighati, dalawang nilalang ang sabay na kinuha sa'kin, alam ko na sa bawat pagdaan ng oras ay hindi ko lubusang makakamit ang tagumpay at ligayang tinatamasa ng ibang kasamahan ko ngayon.
Alam ko rin namang dadating din ang panahon na matatanggap ko rin ang ibinigay na pagsubok sa akin ng tadhana, ngunit panahon lang talaga ang makakapagsabi
