Chapter 73
Murfin’s POV
“Ano ang plano mo ngayon, Murfin?” tanong sa akin ni Tita.
Ang lutang kong isip ay humahagilap ng mga sagot sa mga halamang ligaw at sa nagtataasang mga punong-kahoy na kinakapitan ng mga nagkakapalang baging sa harapan. Nang wala pa ring makuhang kasagutan ay binalingan ko ang langit.
Mula rito sa bintana sa sala ng kubo nila ay natatanaw ko ang lahat ng mga hindi dapat pansinin. Gawa sa pawid at kawayan lamang ang kubo, sobrang simple kung ikukumpara sa napakalaking mansiyong tinirhan noon ni Tita Odette mula pagkabata hanggang sa naisipan niya itong lisanin.
Ang pinsan kong si Forest ay nasa loob ng kuwarto niya, nagkukulong lang at tila ayaw akong makita. She’s only ten years old, very young and naive to experience life here in the jungle. Iyon na ang naiis
