Umuwi kami rito sa Tayabas dahil debut ngayon ni Lorraine. At narito kami ngayon sa Graceland and Country Club para um-attend ng debut ni Lorraine. Kabilang ako sa eighteen candle ni Lorraine at sa kan'yang eighteen wishes.
"Oh, bakit gan'yan ang mukha mo? Para lang pinagsakluban ng langit at lupa!" tanong ko kay Abby nang dumating siya na hindi kasama si Charles.
Tumingin sa akin si Abby. "Wala!" matipid niyang tugon na may kasamang inis.
Magsasalita pa sana ako nang biglang lumapit sa amin si Nathan.
"Abby, nasaan si Charles? Nagtatanong na kasi si Tito Julio kung kumpleto na ang eighteen roses ni Lorraine," tanong ni Nathan kay Abby.
Umiling si Abby. "Hindi ko alam! Siguro inurungan ng bayag!" walang buhay na tugon ni Abby kay Nathan.
Nang dahil sa mga salitang binitawan ni Abb
