BELLE
"Belle, kung may malaki kang problema, sabihin mo sa akin... sa amin. Naghihintay lang naman kami na magsalita ka. Si Mama mo, kahit na... ganoon iyon, alam kong nag-aalala sila sa iyo. Belle...." Hinawakan ni Ate Ava ang aking kamay. Para akong nanghihina sa emosyon ko ngayon at pakiwari ko ay ang sama kong tao.
"Kung may malaki kang pinagdadaanan, sabihin mo sa akin. Tutulong ako."
"Ate..."
"Huwag si Nathan... nakikiusap ako... huwag mo siyang idamay sa lahat ng ito..."
Napasabunot ako sa sariling buhok dahil tama siya. Hindi dapat ako nandadamay sa mga problemang ito. Kung ano man ang problemang kinakaharap ko ay dapat harapin kong mag-isa.
Hindi ko mahal si Jonathan. Hindi ko siya dapat idamay pa rito dahil pinasok ko ang problemang ito.
Pinahid ko ang luha sa gilid ng
