Ilang araw na akong hindi maganda ang pakiramdam at walang ganang kumain. Kaya naman ay hindi maikakailang pumapayat ako at napansin iyon ni Ate Ava. Niyaya niya kasi akong pumunta sa kalapit na mall para bumili ng mga gamit sa anak at walang tigil ang usisa niya patungkol sa akin.
"Belle? Nag-aalala na talaga ako sa iyo."
Pilit akong ngumiti at patuloy sa pagtanggi na ayos lang ako.
"Stress ka ba sa trabaho, Belle?"
Maganda ang trabaho ko sa ngayon dahil nasa bodega pa rin ako naka-assign. Ngunit habang papalapit na ang opening ng site ay nababahala na ako. Marahil ay ito ang dahilan kung bakit ako ganito kalala ngayon, lalong-lalo na sa pagkain dahil nawawalan ako ng gana sa pagkain kahit latagan ako ng mga masarap na pagkain. Hindi lang siguro napapansin ni Nathan iyon dahil sa tu
