"Bitiwan mo ako, Bernard, kung ayaw mong sisigaw ako!"
Imbes na matakot ay tumawa pa nang malakas ang baliw kaya mas lalo akong natatakot sa maaari na namang gawin niya.
"Hala! Sumigaw ka. Alam mo namang... tayong dalawa na lang ang naiiwan ngayon. At... parang ginusto mong mag-overtime ngayon, ah. Para ba makasama ako?"
"Baliw ka!"
Tumayo ako sa kinauupuang swivel chair at galit siyang hinarap.
"Kahit kailan, hindi ko gugustuhing makasama ka!"
Kung hindi lang sana baliw ang Fiona na iyon at pinatapos lahat sa akin ang lahat ng accounts ay hindi ko sana makakasama ang gagong 'to. At saka, bakit nga ba siya nandito gayong tapos na ang trabaho niya?
"At bakit ka ba nandito? Hindi ba't supplier ka lang?"
Nakalolokong ngumisi si Bernard at umupo sa ibabaw ng lamesa. "Well..."
