Chapter 95
"Bitawan mo nga ako!" piglas ko mula sa pagkakahawak niya sa'kin.
"Ano ba talagang gusto mong gawin ko Nirvanna para sumama ka sa'kin?"
Hindi ako sumagot bagkus ay tumalikod ako sa kanya at kahit kakapa-kapa sa dilim ay humakbang ako para makalayo man lang sa kanya kahit na ilang dipa lang.
"Bakit ba ipinagpipilitan mong ako siya?"
"At bakit mo rin itinatanggi na hindi ikaw si Nirvanna?" balik tanong niya.
Natigilan ako.
"Hindi mo ako maloloko kaya wag mo na ring lokohin ang sarili mo."
Napapikit ako.
May nagsusumigaw sa bahagi ng pagkatao ko na sumama na ko sa kanya at wag ng lumayo pa kahit na kelan.
"A-Ako ba talaga ang bulag o ikaw? Hindi mo ba nakikita? Bulag ako. Makakabigat lang ako sa'yo. Gusto mo ba ng responsibilidad? Gusto mo ba na
