AMILYN
Medyo mahimbing na rin ang tulog ko nang maramdaman ko ang paglundo ng kama sa tabi ko. Napangiti ako nang makilala ko agad ang amoy niya.
Awtomatikong napalipat ako ng unan sa dibdib niya at yumakap ako sa kaniya. Niyakap niya rin ako at saka masuyo niyang hinalikan ang buhok ko.
Ilang araw pa lang na hindi kami nagkasama at nagkita ay miss na miss ko na siya.
“Good night Misis ko,” ang napakalambing niyang bulong sa akin na kinangiti ko lalo at kinahigpit ng yakap ko sa kaniya. Nagsumiksik ako sa katawan niya. Kahit hindi ako nagsalita, pinaramdam ko sa kaniya na na-miss ko siya ng sobra sobra.
“I miss you, too so damn much, Baby..” ang masuyo niyang bulong sa akin.
Nakangiting itinulog ko na lang ang tanong kung paano siya nakakapasok ng apartment ko. Magtataka pa ba
