Nag-umpisa ang sembreak ko na hindi na katulad ng dalawang nakaraang sembreak ng buhay ko. Dati, lagi lang akong nasa bahay, natutulog, kumakain, nanonood ng kung anong puwedeng panoorin. Ngayon, I've got friends to hang out with. Sabi nga, hindi naman sa laki o sa dami 'yan e. Ang mahalaga, lahat kayo masaya na kasama ang isa't isa.
Habang may pasok pa si Jiro, I hang out with Lance sa bahay nila. Wala kasi ang parents niya kaya mag-isa lang siya d'on kasama ang mga maids. Ayoko namang pumirmi sa bahay dahil nand'on si Papa at nate-tense ako kapag magkasama kami sa iisang lugar. We occasionally do video-chats with Aki and Ate Mirai. Minsan sumasama si Louise pero pansin ko na medyo aloof siya sa amin at parang out-of-place. Hindi na lang ako kumikibo dahil ayoko na ng mahabang pagtatalo
