AMY
Hindi ko magawang lumingon upang malaman kung kanino nanggaling ang boses na iyon, masyadong nakatuon ang aking atensyon sa pagganti ng sabunot kay Francine. Napaka-childish man kung isipin pero iyon talaga ang nagaganap ngayon. Ayaw ko na sanang gumanti pa, kaso hindi niya ako tinitigilan kaya hindi ko na lang din siya tinigilan.
"Amy!"
Subalit, sa muling pagtawag sa akin ng lalaking iyon ay nabosesan ko na siya kaya napahinto ako sa aking ginagawa. Habang hawak-hawak ko ang mga hibla ng buhok ni Francine ay lumingon ako sa aking likuran, sa direksyon ng aming school. Mula roon ay nakita ko si Sean na dala ang kanyang mga gamit na nakasabit sa kanyang balikat habang ang isang kamay naman niya ay okupado ng mga dokumento.
"Anong ginagawa…" Hindi na naituloy pa ni Sean ang itatanong
