AMY
Matapos ang araw kung kailan natuklasan nina mama at papa ang tungkol sa trabaho ko at pati na rin ang nagawa kong paglilihim sa kanila ay narito na ako muli sa aming paaralan. Si papa na rin uli ang naghatid sa akin kaya hindi ko na kinailangan pang istorbohin si Sean, baka mayroon din siyang kailangang asikasuhin at maka-istorbo pa ako. Bumalik na sa normal ang nakasanayan ko sa mga magulang ko, pero syempre, hindi pa rin naman maiiwasan doon ang pagsabihan nila ako. Subalit, hindi naman ibig sabihan nun ay galit na sila sa akin.
Galit lang sila sa nagawa ko.
Sabi ni mama kahapon eh pagka-uwi ko raw ay pag-uusapan namin ng matino ang maaari naming planuhin para sa aming pinansyal na pangangailangan at para na rin makahanap kami ng panibagong matitirhan. Pare-parehas kasi kaming hi
