SEAN
Hindi ako pwedeng magpatagal dito at sayangin lang ang oras ko sa isang tao na wala naman intensyong sagutin ang mga katanungan ko ng seryoso. Napabuntong hininga ako bago ko napagpasyahang maglakad papunta sa bahay ni Amy. Medyo kinakabahan ako habang patuloy ako sa aking pagtapak paabante, actually napakatindi ng aking nadaramang kaba. Ngunit, kahit na ganun pa man ay hindi ako huminto sa aking balak na gawin, hindi naman din ako pinigilan ni Alicia at mukhang wala nga siyang pakialam kahit na ano ang mangyari kay Amy, sa akin o sa amin ng pamilya ng kaibigan ko. Para bang kampante siya na wala siyang kasalanan sa kanya. Nakakalimutan na ba niyang hindi ko pa rin siya napapatawad sa ginawa niya sa akin? Pero, nangangamba rin ako kasi baka sumbatan ako ng pamilya ni Amy sa oras na m
