AMY
Nilibot ko ang aking paningin sa paligid ng aming classroom, hinahanap ko iyong mga madalas na kasama ni Francine na manggulo sa akin, hindi kasi siya iyon. Nabigo naman ako sa aking pananaliksik, hindi ko natagpuan ang kahit sino kina Brian, Lilia o Violet. Nagtataka ako kung panibago na naman ba ‘tong babae na ‘to sa circle of friends ni Francine pero hindi ko naman siya pinapansin. Nakikinig lang ako sa mga sinasabi niya at mukhang si Francine naman din ang pinagtutuunan niya ng pansin, na para bang sa halip na ako ang target niya ay ang kaibigan pa nila ang inaaway niya. Nagtama ang mga mata namin ni Francine, hanggang ngayon ay hindi pa rin siya kumikibo kahit pa tinatanong siya ng kaibigan niya. Hindi ko maintindihan kung bakit parang nakikiusap ang kanyang mga mata sa akin na u
