ISANG ENGRANDENG kasal ang inihanda ni RJay para sa asawang si Rosemarie. Alam niyang tutol ito pero hindi siya pumayag dahil minsan lang ang ganitong selebrasyon sa kanilang buhay. Tanging ang sukat ng wedding dress ng kabiyak ang naging kontribusyon nito bawas stress na rin sa babaeng mahal. Ibinigay niya sa kanyang mga in-laws at sa kanyang mga magulang ang buong pag-aasikaso ng kanilang magarbong kasal. Siya lamang ang taga-approve o tagabigay ng pinal na desisyon sa lahat ng buong paghahanda.
“Babe…”tawag niya sa asawa. Ginabi siya ng uwi galing sa opisina at dumiretso agad sa kanilang silid ngunit walang nadatnan na asawa sa kama. Naglakad siya patungo sa banyo habang tinatanggala ang kanyang neck tie subalit wala rin doon ang hinahanap. Mabilis siyang lumabas ng silid at kumatok
