I woke up feeling so well. Para akong natulog nang mahabang panahon na lahat ng pagod at sakit sa katawan ko ay nabawasan. Ang gaan sa pakiramdam.
Dahan-dahan kong minulat mga mata ko at napansin ko na madilim ang buong kwarto. Hindi siya gaanong kadalim dahil may isang ilaw pa na umiilaw sa bandang gilid ko. Pero hindi 'yon sapat para maging maliwanag ang kabuuang kwarto.
Pero nasaan ako?
Huling alaala ko ay 'yong nakasama ko si Logan.
Si Logan ba nga talaga 'yon? Hindi ko masabi at baka nananaginip lang ako. Nandito pa rin ba ako sa kwarto ng hospital?
"Sofie?" Tawag ko at dahan-dahan na bumangon. Ginamit ko ang dalawang kamay ko pantukod para makabangon ako, pero natigil na lang ako nang may naramdaman akong kamay sa likod ko. Nang tignan ko sa gilid kung sino ang umalalay ay n
