PINAGMAMASDAN ni Anne ang ilang mga painting sa dingding ng mahabang hallway ng isang wing ng villa. Namangha siya sa mga koleksiyon ni Mama Ancia ng paintings. Most were portraits and bucolic Philippine landscapes. Mga bigating pangalan sa larangan ng sining ang mga nakapirma sa ibabang bahagi ng paintings. Sa isang panig ay mga larawang kinunan ni Nigel na nakatanggap ng mga parangal ang nakalagay.
Mayroon ding mahaba at magandang console table kung saan nakalagay ang ilang trophies at plaques. Iba-iba ang mga pangalang nakaukit at nakasulat doon ngunit pulos “Castañeda” ang last name.
Hindi siyempre mawawala ang family portraits. Hindi na naman maiwasang mainggit ni Anne kay Nigel dahil sa pagkakaroon nito ng malaki at masayang pamilya. Kung nabuhay hanggang ngayon ang kanyang ate, ma
