Dahil sa mas alam ni Agent Mantis ang pasikot sikot sa loob ng kuta ng RANCOR ay naghintay muna kami ng tamang tiyempo para gumalaw. Sa pagkakataon na ito ay isinama niya sa aming plano ang iba pa niya na kasamahan na agent na sina Agent Phasmids at Agent Cricket. Katulad niya ay mas pinili na lang ng mga ito na sumapi sa RANCOR at magmanman kaysa mamatay na walang katuturan. Kaya ngayon ay willing sila na tumulong sa amin dahil ito ang kanilang inaantay na pagkakataon para makatakas.
Gayun pa man dahil isang lihim ang pagkatao ko at ang aking ginagamit na alias ay hindi ipinaalam ni Agent Mantis sa kanila na ako si Agent Chameleon. Ang buong akala na lang nila na isa akong baguhang agent na pinadala ng aming ahensiya.
Dahil doon naging kampante ako na hindi malalaman ang sikreto ko o
