Ngumiti ako ng natural at umiling. "Pwede akong magalit sa kahit na kanino, valid o hindi man ang rason na meron ako. To tell you frankly, visible ang effort mo para ipangalandakan si Rheanne bilang bagong girlfriend mo. Bakit naman gano'n? Natatakot ka ba na pagsisisihan mo ang pananakit at pang-iiwan mo sa akin sa ere?"
Nagkatuosan kami ng tingin. Siguro ay nasa tatlong minuto rin ang nakalipas bago siya nakapagsalita. Halatang apektado ito sa aking tinuran.
"Sisi? Alam mong wala sa vocabulary ko ang ganyan, Miss Kenya. Wala pa akong naging desisyon na pinagsisisihan ko sa bandang huli."
Tiniis ko ang sakit na namamayani sa aking dibdib habang sinisikap na huwag ipakita ang reaksyon na gusto niyang makuha mula sa akin.
Makatotohanan ang kanyang sinabi. Aware ako sa gano'ng pag-uuga
