"Puwede bang tanggalin mo ang iyong maskara?" mahinahong sabi ni Marcelo.
"Ano ang maipaglilingkod namin sa 'yo? At bakit ka pumasok dito? Isa ka ba sa mga board member?" tanong ni Marcelo.
Ngumiti lang ang babae at hinaplos nito ang mukha ni Marcelo. Uminit ang dugo ni Rachelle sa ginawa ng babae. Tumayo siya at nilapitan niya ito.
"Sino ka ba? Anong ginagawa mo dito? At bakit ganiyan ang suot mo? At sino ka ba para hawakan ang mukha ng asawa ko!" sigaw ni Rachelle. Tumawa ang babae at dinuraan siya nito sa mukha. Nagulat ang lahat sa ginawa ng babae, inangat ni Rachelle ang kamay niya para sampalin niya ito pero mabilis nitong nahawakan ang kamay ni Rachelle at sinampal niya ito sa magkabilang mukha.
"Hayop ka! Sino ka ba? Anong ginagawa mo dito? Lumayas ka! Pero teka lang, bago ka l
