NAKAYUKO SIYANG NAGLALAKAD. Nakasuot man siya ng hooded jacket ay naninigurado pa rin siya. Maraming tao si Rex na maaring narito sa port ngayon at hinahanap siya at alam niya sa sarili na hindi niya kilala ang lahat. Ang nakikilala lamang niya ay ang mga matagal ng tao ni Rex at ang mga kadalasan na isinasama nito sa mga lakad.
Natatanaw na niya ang itinurong yate ni Ali sa kaniya kanina. Kaunti na lang at naroon na siya. Patuloy lamang siya sa paghakbang nang manlaki ang mga mata niya nang makita niya si Giovanni na natatanaw niya na pasalubong sa kaniya. Mabilis siyang tumalikod at sakto naman nakita niya sina Stefano at Flavio na sasalubungin niya rin kung patuloy siyang lalakad sa direksyon na pinanggalingan niya.
Kumakabog na ang dibdib niya sa matinding kaba, kailangan niya mapu
