3 years later…
Pilit niyang sinusundan ang isang babae at ang isang batang lalaki. Masayang hinahabol niya ang mga ito. Nang malapit na siya sa mga ito ay saka naman ang mga ito nawala sa paningin niya dahil sa makapal na usok.
Nagpalinga-linga siya para hanapin ang mga ito. Nang makita niya na nakangiti ang mga ito sa kaniya ay lalapit sana siya sa mga ito. Iniunat niya ang kanang kamay para maabot sila. Gustong-gusto niya mahawakan man lang ang mga ito. Ang madama man lang na abot-kamay niya ang mga ito.
Malapit na niya mahawakan sila nang biglang nakita si Izzy na galit na galit na nakatingin sa kaniya.
“Hindi namin ginustong lahat na wala na si Mira dito! Ang dapat mo gawin ay hanapin kung saan pumunta ang kaibigan ko at hindi ang kung sino-sino pa ang sisisihin mo dahil hindi m
