Chapter 47
Allison's POV
Hindi ako nakilala ni Ate Max.
Pinuntahan kasi nila ako ni Kuya Mark sa dressing room dahil daw gusto nitong magpa-autograph sa akin. Nahabol pa nila kami. Naabutan nila kami bago sumakay ng kotse.
“Super fan mo ako!” bungad nito at hindi ko alam kung sinabi na ba ni Kuya Mark na magkapatid kami dahil walang bakas ng pagkakakilanlan ang mababasa sa mukha nito. Napatingin ako kay Kuya. Umiling ito.
Mukhang hindi rin niya alam na ako si Kimberly Castillo, ang babaeng muntikan nang sumira sa buhay ng kapatid niya. Nagbago ba talaga ang itsura ko para hindi niya ako makilala? Pero bakit si Anthony at Justin nakilala agad ako?
Naglabas ng puting T-shirt si Ate Max at inabot ito sa akin kasama ng pentel pen. Abot tainga ang ngiti nito, hindi bakas ang kahit na
