Chapter 45
Pawis na pawis si Justine nang patakbong pumunta sa amin galing sa kanyang mga classmates. Binaling ko ang tingin sa pulutong ng mga nagkakagulong kanyang mga classmates na patingin-tingin sa amin na puno ng kyuryuso ang mga mata.
“Hey!” Malaking-malaki ang ngiti ni Justine at sobrang kislap ng mga mata. I saw pride in her eyes.
Napangiti ako sa kanya at kumaway din ng bahagya. Pakiramdam ko ay nililipad ako ng hangin sa kanyang ngiti. Pakiramdam ko ay sa dami ng tinaya ko sa lotto ay tumama rin ang isang tulad ko.
“Hey... po.” Humalukipkip si Ishmael at sumandal sa pulang monoblock.
Napapatingin ako sa kanyang braso na hubog sa suot na itim na polo. Kinagat niya ang labi at tinapik ang hita. Agad na tumalon doon si Justine.
“Hey po!” halakhak niya sabay kiskis ng pawis
