Titig pa lang ni Vaughn Gabriel ay para na akong hinuhubaran. Malinaw kong nakikita sa kanyang mga mata ang pagnanasang nararamdaman niya at mukhang wala siyang balak na itago ito. Para pa nga niyang pinapangalandakan sa'kin!
Habang may pagtatalong nangyayari sa isipan ko ay nahagip ng pandinig ko ang tunog nang pag-ikot ng doorknob, indikasyon na may gustong buksan ang pinto. Bago pa ito tuluyang bumukas ay tila napapasong napalayo na ako mula kay Vaughn Gabriel.
Parang tatalon iyong puso ko habang pinanood ang mabagal na pagbukas ng pinto.
"Wala ba kaming naisturbo?" nakangising sumilip doon si Khaila. "Sinadya naming ingayan ang pag-ikot-ikot ng doorknob para ma-warning-an kayo."
Kasama iyong iba ay nanatili sila sa pintuan at hindi agad nagsipagpasukan.
Sa ekspresyon ng mga ito a
