"Teka, hindi mo ako pwedeng isama," natatawa kong pigil kay Vaughn nang makalabas na kami ng hotel.
Hawak-hawak niya pa rin ang kamay ko. Hindi naman siguro kami sinundan ni Thara hanggang dito kaya pwede na niya akong bitiwan dahil hindi naman totoo iyong pinalabas naming may pupuntahan kami.
"How I wish I could take you away, Alex, and get away with it." pumapalatak niyang sagot.
May naglalarong ngiti sa mga labi niya habang nakatingin sa'kin. Marahan niyang pinisil ang kamay ko na biglang nagpapitlag sa puso ko.
Kamay iyong pinisil pero puso ang nag-react sa'kin katulad nang tuwing ngingitian niya ako ay parang nakikiliti ang tiyan ko. Malala na talaga ang tama ko!
"Too bad, my family will surely hunt you down," pabiro kong tugon sa sinabi niya.
Napapansin ko ngayon na nagiging m
