"Let's have dinner first," ani Levi habang nakatuon ang kanyang atensyon sa pagmamaneho. Hawak nya ang manibela gamit ang kaliwang hawak at nasa kamay ko ang isa pa.
Sumang-ayon ako sa suhestiyon nyang iyon pero nagulat ako nang ang daang tinatahak namin ay pauwi sa bahay ng mga magulang nya mismo.
May pagtatakang hinila ko ang kanyang kamay ngunit hindi ito sumagot sa nagtatanong kong mga tingin. Nginitian nya lamang ako bago muling itinuon ang atensyon sa daan.
"Clara, hija!" Salubong ni Tita. Hindi pa man ako nakabababa ng kotse ay rinig ko na ang paulit-ulit na pagtawag nya sa pangalan ko na animo'y isang bata na excited makita ang kanyang nawawalang ina.
"Mom's excited to see you," saad ni Levi at nagpatiunang lumabas. Hindi ko na hinintay na pagbuksan nya pa ako ng pinto dahil h
