“Inaantok ka pa ba?” Rinig kong tanong ni Third nang mapansin ang pananahimik ko.
Nakangiti ko syang nilingon, “hindi naman.” Tugon ko saka muling ibinalik ang aking atensyon sa labas ng sasakyan.
Hindi ko napigilan ang pagsilay ng aking mga ngiti nang maramdaman na abutin nya ang kamay ko saka iyon inangat upang gawaran ng mabilis na halik.
“I love you,” saad nya saka inilagay ang palad ko sa kanyang pisngi. Nang makunteto sa pakiramdam ng aking kamay ay muli nyang pinaghawak ang mga kamay naming dalawa sa kabila ng pagiging abala sa pagmamaneho.
Nakangiting tinitigan ko sya. Sa isang iglap ay para bang nanumbalik sa akin ang lahat ng nakaraan naming dalawa. Nakangiting pinaglayag ko ang aking isip sa dagat ng mga masasaya at malulungkot na ala-ala namin. Maski iyong araw na masaktan
