“HINDI ba napapagod si Chloe kakabalik-balik sa opisina?” Nakahalukipkip na tanong ko kay Levi habang nag-aayos ito ng meryenda naming dalawa.
Lampas isang linggo na kasi ang babaeng ‘yon na laging nakatambay sa opisina kahit wala naman syang ginagawa. Ewan ko ba. Parang nakukuntento na lang sya na panuorin kami ni Levi araw-araw. Buti na nga lang at naisip ng lalaking ‘to na wag na muna kami pumasok ngayon sa opisina at magmovie marathon na lang.
Atleast may privacy kaming dalawa.
“Pabayaan mo na, wala lang syang magawa sa buhay nya yon.” Nakangiting sagot nya saka naupo sa tabi ko. Kumuha sya ng apple saka iyon sinubo.
Nakangiwing pinanuod ko syang buhayin ang TV at namili ng palabas. Anong mayroon? Bakit parang ako na lang yata ang bothered sa presensya ng babaeng iyon?
