Chapter 45
Two months later...
MADALING lumipas ang mga araw. Parang isang ihip lamang ng hangin. At parang ka'y bilis lang balikan ang lahat. Pero napakahabang istorya para sa lahat. Pero para sa akin, mabilis lamang ang pangyayari at ang kwento. Parang isang karerang sinalihan ko.
Sa pag-ihip ng hangin ay ang siyang pagsunod ng mga buhok ko sa ihip nito. Nakikita ko ang pag-asa sa buong bayan ng Dagpa. Maging ang mga taong nagtatrabaho. Sa mga taong pasalin-salin at walang patutunguhan. Paroon at parito.
Nakausap ko na rin ang abogado nila Lolo Victores at Lola Helena na si Sir Sulivano. At dahil nga buhay akong tagapagmana nila Mommy Sampaguita at Daddy Deleon ay sa akin na napunta ang lahat ng kayamanan ng mga Peralta.
Pero mas pinili kong manirahan kasama si Milo sa isang munt
