Chapter 43
“PASENSYA KA na Pea, kung tinago ko ang tunay mong pagkatao. Iyon na lang rin kasi ang nakikita kong paraan para hindi ka na usigin ng nakaraan. Pero sadyang hindi talaga natin maiiwasan ang mga mangyayari. Nahanap at nahanap ka pa rin ni Juancho, at ang masama pa si Choco ang naging kalaban mo sa huli. Life is rude, and life is like a game. Paglalaruan at paglalaruan ka lang. Sana maintindihan mo ang ibig sabihin ko, Pea.”
Tumango ako sa sinabing iyon ni Don Kopiko. Kasama nito si Ma'am Anlene sa tabi habang seryoso ring nakatingin sa akin. Nginitian ko sila. Hinawakan ko ang mga kamay nilang nakapatong sa mesa.
“Wala po iyon, nagpapasalamat ako dahil hindi niyo po ako pinabayaan ng gabing iyon. Utang na loob ko po sa inyo ang buhay ko. Kaya maraming salamat po sa inyo. Isa
