"What the hell, Ross?" gigil na saad ni Ice. Halos hindi na niya mapigilan ang panginginig ng kamay niya. Kulang na lang ay punitin niya ang papeles na hawak niya sa nalaman. Buong pagkatao niya ang nasira. Ang akala niya na kaibigan na dapat ay magtatanggol sa kanya ay siya pang nagsinungaling.
Hindi na ba matatapos ang mga sikretong nalalaman niya? Hindi na ba matatapos ang mga paghihirap niya? Napapaisip na lamang siya kung ano ba ang matindimg kasalanang nagawa niya noon o sa nakaraang buhay niya kung tunay man iyon kung bakit nararanasan niya ang ganito.
Hindi naman kaagad nakaimik si Rosser. Kung alam lang ni Ice kung gaano niya nilabanan ang sarili niya para lang itago ito. Kung maaari nga lang na hindi na niya malaman ang tungkol dito. Ngunit walang sikreto na hindi nabubunyag. A
