NILILIBOT ni Joey ang opisina ni Luis sa Law Firm nito. Ilang beses na siyang nagpunta noon doon at halos makabisado na niya ang pwesto ng mga kagamitan doon kaya agad niyang napansin ang mga pagbabago.
Bukod sa pagpapalit ng mga furniture, binago din nito ang interior design ng opisina. Nagkapalit-palit na din ng pwesto ang mga filing cabinets.
Hawak niya ang picture frame na naglalaman ng larawan niya. That photo was taken months before her elementary graduation. Ang inosente pa ng ngiti niya. Wala pang muwang sa kasamaan ng mundo.
Naka-display iyon kasama ng mga trophies, certificates and awards na natanggap ni Luis at ng kumpanya nito. Nagtataka siya kung saan nito iyon nakuha.
"Hey." Ibinaling niya ang tingin sa pintuan ng bumukas iyon at pumasok si Luis. "What are you doing?"
