PITONG TAON na mula nang una tumambay sa park na iyon si Maki. Nauna pa nga niya iyon madiskubre bago ang gusali na binili niya at nirenovate para gawing Bachelor’s Pad. Sa paglipas ng mga panahon, kaunti lang ang nabago sa lugar na iyon. Kaya siguro komportable siya tumambay doon.
Two years ago naglagay lang ang local government ng playground sa isang side ng park kaya dumalas ang pagbisita roon ng mga bata para maglaro. He didn’t mind them since he realized years ago that he likes kids. Madalas pa nga siya namimigay ng pagkain sa mga batang napapadpad sa park mula pa noon.
“Ay, si Mr. Bum nandito na naman!”
Napangiti si Maki at nilingon ang batang babae na tumatakbo palapit sa bench kung saan siya nakaupo. Nakasuot ito ng jogging pants at maluwag na puting t-shirt na may naka-print
