Chapter 24
PRINCESS
Halos hindi na ako makatulog ng maayos simula nang mawala si Tatay Juanito at nabaliw pa si Nanay Doray. Dagdagan pa ng mga taong sumusulpot bigla-bigla sa buhay ko at tinatawag akong Daisyree. Sobrang natatakot ako para sa aming mag-iina dahil hindi ko alam kung paano magtiwala sa mga tao na bigla na lang dumating sa buhay ko.
Minsan napapaisip ako na kung paano kung Daisyree talaga ang tunay kong pangalan? At paano ko malaman na kung ang Oliver na iyon talaga ang tatay ng mga anak ko? Sabi ni tatay maraming manloloko sa paligid at huwag basta-basta magtiwala kahit kanino. Kahit noong nanganak ako ay sinabi rin ni Nanay na huwag sabihin na may amnesia ako dahil baka pagsamantalahan lang ako.
Katulad sa nangyayari ngayon. Gulong-gulo ang isip ko habang pinagmamasd
