NAKATITIG si Angel sa grupo ng Noble gang habang nakaabang sa magiging kilos ng mga ito. Kahit dehado siya sa laban, hindi pa rin siya nagpapakita ng kahinaan.
“Daniel, Patrick,” tawag ni Mark Wilson. Tiningnan niya ang dalawang lalaking umabante sa harap at naglakad palapit sa kanya. Dahil sa binti niyang may kirot pa rin, hindi siya makakilos kaya nahawakan siya nito sa magkabilang braso.
“Tingnan natin kung hanggang saan ang tapang mo. Dalhin siya sa stage” wika nito at naglakad papunta sa stage. Sumunod ang mga kasama nito at ang dalawang may hawak sa kanya ay kinaladkad siya. Pagdating doon ay itinigil siya sa harap nito. Ngumisi siya rito.
“Tss. Kahit sino’ng matapang ang humarap sa ’yo, kung ganito karami ang alalay mo, talagang mahihirapan lumaban. Partida, babae ako pero ganya
