Pagbalik nila sa kanilang silid, naupo agad si Angel sa kanyang kama at sumandal. Kumuha naman agad si Shaira ng tubig sa kanilang mini ref at iniabot iyon sa kanya.
“Thanks,” wika niya nang tanggapin iyon saka uminom.
“Isa na lang, Gel. Papasok ka na sa finals. Sana kapag nakapasok ka na, magkaroon ka ng progress sa paghahanap mo,” sambit nito kaya tumigil siya sa pag-inom at tumingin sa kisame.
“Nagbabakasakali lang ako kaya ako sumali, hindi pa sigurado kung may matutuklasan ako,” sagot niya at nagpakawala ng buntonghininga.
“Malay mo naman, Gel, meron. Pero sana nga meron kang matuklasan para bumalik ang dating ikaw. Pakiramdam ko, may kinalaman ang nangyari noon sa inyo kaya ka tipid ngumiti,” sambit nito. Hindi siya sumagot at muling uminom ng tubig.
“Nga pala, kakain ka pa
