Sa pagtulog ni Angel, nagpasya si Shaira na lumabas para kumain sa cafe. Hahayaan muna niyang magpahinga ito dahil mas matindi ang susunod nitong kakalabanin. Hindi pa niya alam ang magiging laban pero sigurado niyang mapapagod si Angel. Sa pagpunta niya sa cafe, nakita niya si Mark Wilson at nakatingin ito sa kanya. Hindi niya ito pinansin pero tumayo ito at hinarangan ang dadaanan niya.
“Himala, wala ang anghel na nakapaligid sa ’yo,” wika nito. Hindi niya ito pinansin at sinubukan lampasan pero muli siya nitong hinarang at hinawakan sa braso. “Don’t too fast,” saad nito at inilapit ang bibig sa kanyang tenga. Bahagya siyang napaatras pero dahil hawak siya nito, hindi niya nagawang lumayo. “Hindi pa ako nakakabawi sa inyo ng baba—” Napatigil ito nang malakas itong tumilapon dahil sa is
