KUMALABOG ang dibdib ko nang marinig ko ang pamilyar na boses na 'yon. Kasabay nito ay ang paglipad ni Mattrix kung saan. Doon tumambad sa akin si Silent na itinulak palayo sa akin si Mattrix dahilan para makawala ako.
Para akong maiiyak nang makita ko ang malamig na titig ni Silent. Sa likuran naman niya ay nakatayo roon ang mga pinsan niya na kararating lang. Si Curse, mukhang gulat sa nasaksihan. Si Chaos naman ay masama ang tingin sa akin, mukhang iba ang nasa isipan.
"Silent..." kinakabahan kong tawag sa kanya. Hindi ko alam kung ano ang iisipin niya sa nakita.
Napunta kay Mattrix ang atensiyon ni Silent nang marinig ang pagtawa nito.
"Tangina, Montealegre. Buntot ka ba? Pati rito ay sinusundan mo si Hestia," galit nitong sabi.
Naningkit ang mga mata ni Silent. Mukha siyang kalm
