"DAPAT na kayo maghanda, ilang buwan na lang ay ga-graduate na kayo ng highschool," sambit ni Papa habang nasa harap kami ng hapagkainan.
Nakakabigla dahil kahit weekend ay nandito si Papa ngayong araw, pero base sa kanya ay mamaya aalisin din siya.
"Ikaw, Yesxia. Naisip mo na ba kung saang unibersidad ka papasok?" Baling ng ama ko sa kakambal ko.
Binitiwan ni Yesxia ang hawak na kubyertos bago sinagot ang tanong ng ama.
"May natitipuhan na po ako," matipid na tugon ni Yesxia.
"Make sure it's a good university."
"Yes, Papa."
Palihim na napairap ako habang ang atensiyon ko ay nasa plato ko. Kung ang ibang mga anak ay gustong-gusto na kasabay sa pagkain ang mga magulang nila, pwes ako ay hindi. Mas panatag ang loob ko kapag wala ang ama ko. Mas ramdam ko ang pagiging malaya ko kapag w
