DAHIL na rin sa pangungulit ni Silent, gaya ng sinabi ko ay nagpa-deliver na lang kami ng makakain namin. Doon ko lang din natantong gabi na pala at oras na para sa hapunan.
Nang dumating ang pina-deliver naming pagkain ay tahimik kaming kumain ni Silent sa kusina. Ni walang nagsasalita sa amin. Ako naman ay todo ang pag-iiwas sa kanya ng tingin, at palihim lang siyang tinitingnan. Pero ang Montealegre na kasama ko, lantaran kung tingnan ako. Tila hindi man lang nakakaramdam ng ilang sa pagitan namin.
"You're full now. Puwede ka nang umalis," sabi ko kay Silent nang matapos kami sa pagkain. Nailigpit na rin namin ang mga pinagkainan namin.
Nagkasalubong ang kilay ko nang ngumisi si Silent. Humalukipkip siya sa kinauupuan niya at umiling.
"I told you, I'm going to stay here tonight."
M
