3RD PERSON POV
DUMAAN ang ilang sandali at narating na rin nila ang bagong tirahan ng mga kalahing wood faeri ni Tintin. Nasa isang tago itong lugar kung saan ay natatakpan ng mga mahahabang baging ang pasukan upang hindi ito makita mula sa labas.
Ang loob nito ay isang malaking puno na may mumunting mga bahay na nakatayo sa bawat mga sanga nito. Habang nakatingala at pinagmamasdan ang tanawin ay may napansin lamang si Red na isang bagay.
Hindi katulad ng kanilang inaasahan na magiging makinang at maliwanag ang munting kuta ng mga mga faeries katulad ng mga nakikita nila sa libro at mula sa kwento ni lolo Pedro, ang lugar ay madilim at malungkot. Malumbay ang aura ng dito at mapapansin ang gulat sa ekspresyon ng mga diwata na nakakita sa kanilang pagdating.
Napatigil sa paglipat ang m
