NAKATULOG nang mahimbing si Diwa. Kung may kinalaman ang pagtulog ni Rogue sa apartment o wala, hindi niya sigurado. Maliwanag na nang magising siya na maayos na ang pakiramdam. Ang laking tulong talaga sa katawan ang sapat na tulog. Ramdam ni Diwa na magaan na ang pakiramdam niya.
Wala siyang matandaang panaginip.
At lampas alas otso na ng umaga!
Bumangon ang dalaga at nanalangin. Nagpasalamat siya sa Diyos sa mahimbing na tulog at bagong araw. Nakangiting nag-inat siya pagkatapos. Niligpit muna ang kama bago dumeresto sa banyo para sa morning routine.
Paglabas niya ng kuwarto, wala na si Rogue sa sofa. Tahimik na ang sala. Nasa sofa at nakatupi ang kumot na ginamit nito.
Maagang umalis, sa isip ni Diwa. Sumilip siya sa
