CREAM ANN POV
"WILL you marry me?"
Paulit ulit bumabalik balik sa isip niya ang mga katagang iyon. Hindi niya mapaliwanag ang dalang kiliti niyon sa puso niya.
"Sure ka ba magpapakasal ka uli?" seryosong tanong ng Ate Coffee niya.
Huminga siya nang malalim saka sinilip si Rix sa glass window ng ICU.
"Gusto ko magkaroon si Rix ng kumpleto pamilya." Mahinang sagot niya.
Pumalatak ang Ate niya.
"Hindi 'yan ang gusto ko marinig sa'yo. Mahal mo kaya ka pumayag, tama ba?"
May dahilan pa ba para tumanggi?
"Never naman nawala ang nararamdaman ko sa kaniya, Ate. Siguro, masyado lang ako natuwa noon kay Miles dahil lagi sa tabi ko at inako niya si Baby Rix."
"Okay. Mahal mo. Ang tanong mahal ka ba niya?"
Natigilan siya. Walang sinasabi na kahit ano si Twix sa kaniya tungkol sa nararamdam
